Skrá

Tema: Røtur/Hitt teg sjálvan ígjøgnum hini/Lokalt - Globalt

Fyri at tú kanst fáa eina smakkiroynd av fjølbroytta og skapandi  pallinum av ljóð og myndlista installatiónum, sum blómar og er nógv frammi í tíðini, fara fleiri installatiónir at vera vístar á øllum festivalinum  ymisk støð í Havn.

Hustle and Bustle
Hugsa tær, at uppliva kviku rørslurnar og ymisku ljóðini  av litríka indiska fólkahavinum, uttan at noyðast at fara úr Havnini.  Hetta kann sýnast ov gott at vera satt, men júst hesir eru karmarnir kring video installatiónina Hustle and bustle (2013) , sum  video listakvinnan Eygló Harðadóttir og ljóð sniðgevin Ríkharður H. Fríðriksson hava skapað.  Aftaná ferðabannið summarið 2020, hevur tað kanska stórri týdning enn nakrantíð, at rannsaka ljóðini og myndirnar úr eini mentan, ið er heilt ørvísi enn tín egna.  Installatiónin tekur 6 minuttir og fer at fáa teg at leingjast eftir meira av litríka huglagnum, ið Haðadóttir og Fríðriksson hava skapað.

A Faroese Tale
A Faroese Tale er ein surrealistisk ljóð-kollaga, har ið ljóðið av føroyska veruleikanum umskapast til tónleikaliga abstraktión.  Verkið er eitt samstarv millum ljóðlistamannin Franc Ross Adams og elektroniska tónleikarin Bjørn Svin

Sounds of Doubt 
Sounds of Doubt (Ivandi ljóð) er úrslitið av verkstovu, har íslendska listakvinnan Thuridur Jónsdóttir hitti fólk úr Grønlandi, Íslandi og Føroyum, fyri at skifta orð um  minnir, hvørjum hesi eru gjørd av, og hvussu vit, við ljóði, kanska kunnu fáa gloymd minni at vakna aftur. Installatiónin hjá Thuridur er loyndarfult og hugvekjandi listaverk, ið fær teg at grunda um fortíðina, nútíðina og framtíðina.

Nordic Grammar
Hugsa tær at tú kemur til eitt manntómt hús og fert at liva lívini hjá teimum, ið einaferð búðu her í tínum nýggja heimi. Hóast tú ongantíð hevur hitt tey,  tekur tú við har tey sleptu og gerst til hesi fólk heldur enn tú sjálv/ur.  Hetta er hugskotið handan listaverkið Nordic Grammar  hjá Olgu Szymula. Tað fer  at renna kalt niður eftir bakinum á tær, tá inniliga røddin hjá Olgu og ljóðini, úr manntóma húsinum, blendast saman við tað tú sært á myndunum. 

503 Cluster Waves 
Hvussu kanst tú skapa tónleik við íblástri og við megini hjá størstu lutunum í alheiminum?  Stjørnuhópar, sum eru greinaðir av røntgen sensorum og fylgisveinum í ringrás kring jørðina, eru íblásturin hjá Marcus Wright til hesa installatión.  Royndarúrslitini frá sensorunum og fylgisveinunum, eru umskapt til ljóð við eini skipan, ið byggir á samanrenning av ljóðbylgju longdum.  Harafturat verða  ljóðini sett saman við eini ljós skipan, og samanrenningin av hesum, fer at geva tær eina fatan av,  hvussu list kann skapast burturúr stórstu lutum, ið til ber at ímynda sær.

When I was 28 I was obsessed with staging deaths 
Hvussu hevði tað sæð út, um eg pallsetti mín egna deyða í ymiskum umhvørvum? Hetta hevur fjølistakvinnan Olga Szymula, spurt seg sjálva fleiri ferðir.  Seinastu tvey árini, hevur Szymula pallsett sín egna deyða í ymiskum umhvørvum, í ymiskum londum. Eitt nú í heimlandi sínum Póllandi, í Bosnia og í Íslandi. Úrslitið av  listaligu pallsetingunum, er henda audiovisuella installatión, har Szymula fer at vísa, hvussu hennara livandi kroppur fleiri ferð er deyður. 

Tema: At hitta seg sjálvan ígjøgnum hini

Allar siðvenjur hava eina byrjan. Í ár ætla við at byrja eina nýggja siðvenju, tí vit hava gjørt av, at lata vøkru tónarnar úr verkinum hjá Ellen Lindquist, Heilagu Trøini seta sín dám á, at Norðurlendksu Tónleikadagarnir eru í býnum - júst sum verkið gjørdi í 2019, tá Norðurlendsku Tónleikadagarnir vóru hildnir í Bodø í Noregi.  Tá Lindquist skrivaði verkið, fekk hon íblástur frá, hvussu yvirtónarnir í klokkuspælinum draga fram sonnu náttúruna í klokkunum. 

Á festivalinum, fert tú hvønn dag klokkan 13 at hoyra vøkru yvirtónarnar úr klokkuspælinum ljóma.

Ein staðbundin kompositión í samstarvi við blokkfloytu-luttakararnar, har dentur verður lagdur á hugskotini og lokalu tónleikamentanina.

Verkið verður framført av luttakarunum og eisini verður ein serstøk blokkfloyta brúkt, sum Ragnhild May sjálv hevur sniðgivið. Blokkfloytan er eitt fólkaræðisligt ljóðføri, sum tey flestu byrja at spæla uppá áðrenn tey fara víðari til onnur ljóðføri.

Við íblástri frá hugskotum og tónleiki á staðnum skapa vit eitt verk saman, sum síðani verður framført í Klingruni í Norðurlandahúsinum.

Tema: Røtur

Beinta er ivaleyst kendasta søguliga kvinnan í Føroyum.  Hon var fødd í valaumstøðum í Havn í 18'indu øld, men endaði dagar sínar í armóð, aftaná trý vanlukkulig hjúnaløg við trimum ymiskum prestum.  Síðani deyða hennara í 1752, hevur Beinta verið lýst sum ein ónd kvinna, ið hevði skyldina í ruðuleikunum, ið vóru atvoldin til, at menn hennara doyðu. 

Í hesi symfonisku song-ringrás, sum tónaskøldini Anna Katrin Egilstrøð og Allan Gravgaard Madsen hava smíðað, eru sagnirnar um Beintu snúningspunktið um listarliga rannsókn av fløktu mótsetningunum í huganum. Hetta verk fekk góð ummæli frá donsku miðlunum, tá tað kom út í 2016 og fekk sama árið hægstu viðurkenning frá danska lista grunninum.  Beinta er eitt vakurt verk, bæði fyri roynda áhoyraran og tey, ið ongantíð áður hava verið til eina klassiska konsert.

         - lumma filmar, dokumentar og prát

Kom og síggj úrslitið av samstarvinum millum Margarinfabrikkina, lommefilm.dk og ein bólk av føroyskum ungdómum, sum hava gjørt eina røð av smáum lumma filmum, ið siga persónligar søgur, grundaðar á eitt av festival temaunum: Hitt teg sjálvan ígjøgnum hini.

Aftaná lumma filmarnar verður viðurkendi dokumentarfilmurin SKÁL vístur. Hesin snýr seg um unga kvinnu, ið einsamøll ger ungdómsuppreistur í Føroyum, har ið kristindómur og trúgv eru ávegis inn í eitt nýtt tíðarskeið.

Ver við í prátinum aftaná við fólkini handan filmirnar um samleika, vegamót, at vera ungur í Føroyum í 2021, og hvussu  til ber at brúka film sum  miðil fyri at siga sína søgu.

Tema: Røtur/Hitt teg sjálvan ígjøgnum hini/Lokalt - Globalt

Fyri at tú kanst fáa eina smakkiroynd av fjølbroytta og skapandi  pallinum av ljóð og myndlista installatiónum, sum blómar og er nógv frammi í tíðini, fara fleiri installatiónir at vera vístar á øllum festivalinum  ymisk støð í Havn.

Hustle and Bustle
Hugsa tær, at uppliva kviku rørslurnar og ymisku ljóðini  av litríka indiska fólkahavinum, uttan at noyðast at fara úr Havnini.  Hetta kann sýnast ov gott at vera satt, men júst hesir eru karmarnir kring video installatiónina Hustle and bustle (2013) , sum  video listakvinnan Eygló Harðadóttir og ljóð sniðgevin Ríkharður H. Fríðriksson hava skapað.  Aftaná ferðabannið summarið 2020, hevur tað kanska stórri týdning enn nakrantíð, at rannsaka ljóðini og myndirnar úr eini mentan, ið er heilt ørvísi enn tín egna.  Installatiónin tekur 6 minuttir og fer at fáa teg at leingjast eftir meira av litríka huglagnum, ið Haðadóttir og Fríðriksson hava skapað.

A Faroese Tale
A Faroese Tale er ein surrealistisk ljóð-kollaga, har ið ljóðið av føroyska veruleikanum umskapast til tónleikaliga abstraktión.  Verkið er eitt samstarv millum ljóðlistamannin Franc Ross Adams og elektroniska tónleikarin Bjørn Svin

Sounds of Doubt 
Sounds of Doubt (Ivandi ljóð) er úrslitið av verkstovu, har íslendska listakvinnan Thuridur Jónsdóttir hitti fólk úr Grønlandi, Íslandi og Føroyum, fyri at skifta orð um  minnir, hvørjum hesi eru gjørd av, og hvussu vit, við ljóði, kanska kunnu fáa gloymd minni at vakna aftur. Installatiónin hjá Thuridur er loyndarfult og hugvekjandi listaverk, ið fær teg at grunda um fortíðina, nútíðina og framtíðina.

Nordic Grammar
Hugsa tær at tú kemur til eitt manntómt hús og fert at liva lívini hjá teimum, ið einaferð búðu her í tínum nýggja heimi. Hóast tú ongantíð hevur hitt tey,  tekur tú við har tey sleptu og gerst til hesi fólk heldur enn tú sjálv/ur.  Hetta er hugskotið handan listaverkið Nordic Grammar  hjá Olgu Szymula. Tað fer  at renna kalt niður eftir bakinum á tær, tá inniliga røddin hjá Olgu og ljóðini, úr manntóma húsinum, blendast saman við tað tú sært á myndunum. 

503 Cluster Waves 
Hvussu kanst tú skapa tónleik við íblástri og við megini hjá størstu lutunum í alheiminum?  Stjørnuhópar, sum eru greinaðir av røntgen sensorum og fylgisveinum í ringrás kring jørðina, eru íblásturin hjá Marcus Wright til hesa installatión.  Royndarúrslitini frá sensorunum og fylgisveinunum, eru umskapt til ljóð við eini skipan, ið byggir á samanrenning av ljóðbylgju longdum.  Harafturat verða  ljóðini sett saman við eini ljós skipan, og samanrenningin av hesum, fer at geva tær eina fatan av,  hvussu list kann skapast burturúr stórstu lutum, ið til ber at ímynda sær.

When I was 28 I was obsessed with staging deaths 
Hvussu hevði tað sæð út, um eg pallsetti mín egna deyða í ymiskum umhvørvum? Hetta hevur fjølistakvinnan Olga Szymula, spurt seg sjálva fleiri ferðir.  Seinastu tvey árini, hevur Szymula pallsett sín egna deyða í ymiskum umhvørvum, í ymiskum londum. Eitt nú í heimlandi sínum Póllandi, í Bosnia og í Íslandi. Úrslitið av  listaligu pallsetingunum, er henda audiovisuella installatión, har Szymula fer at vísa, hvussu hennara livandi kroppur fleiri ferð er deyður. 

Norðurlendsku Tónleikadagarnir er ein festivalur fyri allar aldursbólkar; børnini eru ikki undantikin, og tí hava vit ognað barnagarðsbørnum í Havn eina heila konsert.

Svenska tónaskaldið Jenny Hettne hevur skrivað eitt verk, While she was dreaming, fyri solo violin og upptøkur, sum hava sín uppruna í svenskum fólkatónleiki, blandaður saman við nútímans elektroniskari tøkni. Verkið varð serliga skrivað myrku vetrardagarnar og næturnar, tá dóttir hennara, Ejla, svav, og verkið er ognað henni.

Seinna verkið, sum verður framført, er onki minni enn ein røð av smáum symfonium fyri leiku ljóðføri!  Við hesum verður sjálvandi dentur lagdur á, hvussu eins egnu ímyndingarevni eru einasta forðingin fyri at skapa nýggj ljóð og brúka tey í tónleiki. Kanska fara nøkur av børnunum, tá tey koma aftur í barnagarðin, at skapa sína egnu symfoni, aftaná at tey hava upplivað hvussu leikur kunnu gerast frálík ljóðføri…

Tema: Røtur/Hitt teg sjálvan ígjøgnum hini.

Norðurlendsku Tónleika Dagarnir í Føroyum, er ein festivalur, ið ikki bert fer fram í Tórshavn. Vit hava víðkað økið, til eisini at umfata søguligu bygdina Kirkjubø, sum var høvuðstaður í Føroyum undan trúbótini, mitt í 16’undu øld. Í Kirkjubø standa leivdirnar av  gotiskari dómkirkju.   Seinnapartin henda hósdagin, fer eitt sertakt verk at vera framført í gamla Kirkjubø Múrinum.  Múrurin er tekin um fornu tignina, ið einaferð varð yvir hesum stað og hevur givið listakvinnuni Nicole Bitsch Pedersen íblástur til at skapa audio-installatiónina, sum fer at lata klokkurnar ringja yvir staðin enn einaferð og soleiðis geva leivdunum av gomlu dómkirkjuni nýggjan dám.

Tá tónaskalda duoin LydPort var í listabústaði, granskaðu tey Kingosang, sum er serstakur sálma sangur nær tengdur at føroysku kirkjusøguni. LydPort hevur  rannsakað eginleikarnar í siðbundna acapella sangháttinum og hava brúkt úrslitini av rannsóknini til at skapa eitt nýtt tónaverk við Kingo sangarum og elektroniskum tónleiki.  Tónaverkið sameinir heilaga dámin frá staðnum og sangmentanini, sum bæði  Kirkjubømúrurin og  Kingo sangurin bera í sær, og setir hetta saman við nútímans upptøkuteknikki og yrkingum um liviháttin hjá fólki, ið nú búgva í hesum umhvørvi.  Listafólkini í LydPort eru  Mai Ane Pil Siedentopp, og Morten Schmidt.

Tónaskaldið Elin Gunnlaugsdóttir hevur givið sær stundir til eitt, í talgildu øld okkara, so sjáldsamt fyribrigdi, sum at skriva postkort. Hesi postkort eru merkisverd. Bæði tí at tey eru fysisk brøv frá einum fólki til eitt annað í eini tíð, tá samskifti á alnótini er vanligasti mátin at koma í samband við onnur, men eisni tí at postkortini eru  nótaørk í verki hennara Circles of Sounds. Hepnu móttakararnir av hesum persónligu postkortunum eru ein sangari, ein slagverkleikari og ein oboleikari.  Trioin fer at spæla úr postkortunum í undrunarverda umhvørvinum í Kirkjubø.

 Tema: At hitta seg sjálvan ígjøgnum hini

Týska-Íslendska Ensemble Adapter eru víða kend fyri at greina samtíðar tónlist á konsertum sínum. Tey ferðast víða um heimin bæði við tilfari, ið ikki er framført áður og nýliga skrivaðum, úrvaldum tilfari - men hesuferð er eingin skrá løgd frammanundan. Ístaðin fyri at spæla eina vanliga konsert, fara Adapter at geva viðurkendum eins og nýggjum tónasmiðum høvi til at hoyra verk síni framførd og roynd av yrkis tónleikarum.

Um hetta er fyrstu ferð tú yvirhøvur fert at hoyra eitt veruligt orkestur spæla títt verk,  ella um tú bert ynskir at fáa góð ráð frá viðurkendum tónlista ensemble um eitt solo verk hjá tær, kom inn á gólvið við prentaðu nótunum, og fá Adapter til at framføra tín tónleik. Ljóðførini harpa, klarinettir, slagverk, floytur og elektronisk útgerð verða til taks á pallinum, so tónleikurin hjá tær skal kunnað spælast av einum ella fleiri av hesum ljóðførum.

Sjálvandi ert tú eisini vælkomin at støkka innum, lurta og fáa okkurt gott úr barrini, sum fer at vera opin alla náttina.

Tema: At hitta seg sjálvan ígjøgnum hini/ Nýggjur tónleikur til ungar næmingar

Við at broyta mátan, ein floytuspælari spælir á floytuna, miðar tónaskaldið Karsten Brustad eftir at vísa ungu floytu næmingunum á nýggjar hættir at fáa ljóð úr ljóðføri sínum. Navnið á verkinum, Hryn, er gamalt norrønt orð, ið leysliga kann týðast til at floyma, falla og ljóða. Kenslan av hesum, at floyma og at ljóða, er allatíðina hjástødd í verkinum, tá næmingar og lærarar uppdaga, improvisera og flyta seg kroppsliga meðan tey framføra.  Hryn er bæði ein samrøða millum floytuspælarar, eitt skifti í hugsunnarháttinum um ljóðførið floytuna og ein innleiðsla til næmingarnar í samtíðar tónleiki.

Leiklistarliga hugmyndin hjá bólkinum Accompany Summer Dream, Fall Asleep er skapað av Lasse D. Hansen, Mathias Madsen Munch, Rakel Helmsdal og Anna Schulin-Zeuthen.Listafólkini fara at fáa ungar tónleikarar á Musikkskúlanum at taka lut í skrivingini og stigvísu menningini.

Granska verður í, hvussu dreymar kunnu broyta tín hugsunnarhátt - bæði í skapi av surrealistiskum dreymum og lívsbroytandi marrum!

Ungu tónleikararnir fara at luttake sum søgu sigarar, tónleikarar og leiklistafólk í hesi tilgongd, og saman skriva, komponera og pallseta upplivingar úr teirra egnu dreymum og marrum, til eina gandakenda sýning. "Summer Dream, Fall Asleep" hevur fingið íblástur frá og byggir á uppruna søgugongd, ið Rakel Helmsdal hevur skrivað.

Tema: Røtur

Skatta Gravarin er ein episk tónleikafrásøgn um Evald Tang Kristensen (1843 - 1929) ið var ein slóðbrótari innan etniska tónleikafrøði. Tang Kristensen savnaði og tók upp á band fólk, ið sungu og søgdu søgur - serliga savnaði hann upptøkur við fólki úr smáplássum í Jútlandi. 

Í hesi operu, ið sigur frá lívinum hjá sermerkta Evald Tang Kristensen, blandar tónaskaldið og teksthøvundin Mauro Patricelli, uppruna upptøkur og video, saman við avantgarde tónleiki og klassisku opera siðvenjuni. Opera’in  førir teg aftur til lyngheiðarnar í Jútlandi í árunum kring 1867.

Tema: List, samleiki og danski ríkisfelagsskapurin

Dokumentar filmurin The Fight for Greenland, gevir okkum serstakt innlit í álvarsliga kjakið um sjálvræði, mál og samleika, sum herjar í  nútíðar Grønlandi.

Síðani fara vit, við útgangsstøði í filminum at skifta orð um hvussu ríkis felagsskapurin millum Grønland, Føroyar og Danmark ávirkar listina og okkara ymisku mentanir í dag.  Hvussu eygleiða vit og hava sambond við hvønnannan, og hvussu kann listin og mentanin geva sítt íkast til politisku  broytingarnar og umlopini, ið eru ein veruleiki í hesum trimum londunum beint nú.

Kom og hygg at filminum og tak lut í orðaskiftinium aftaná, við listafólk, ið øll arbeiða tvørturum norðurlendsku londini, eru sera upptikin av spurningum um samleika og eru úr ymiskum pørtum av Danska kongaríkinum.

Tema: Globalt/Lokalt

Hugskotið handan hetta "Requiem for Melting Ice" kom, tá  tónasmiðurin Gunnar Kristinsson, ið býr í Danmark, vitjaði heimlandið Ísland. Krisitinsson sá, hvussu jøklar gingu undir orsaka av veðurlagsbroytingunum. Hetta fekk hann at hugsa um deyðan hjá hesum stórbæru ís blokkum.

Hetta rekviem, sum er skapt saman við Úlfari Inga Haraldsyni, hevur verið framført í fleiri ymiskum formum og í hesum nýggja formi, fara vit at uppliva komponeraðan tónleik, improvisatión og visuellar tættir av skulpturi og video,  og soleiðis beina hugan inn á høvuðsendamálið við listaverkinum  - ræðuligu fylgjurnar av vakstrarhúsárini og dálking, ið er ein vaksandi hóttan ímóti lívið á jørðini.

Tema: Røtur/Hitt teg sjálvan ígjøgnum hini

In Metal av danska tónskaldinum Esben Nordborg Møller, er eitt verk, sum hevur fingið íblástur frá siðbundna finska tónleika stílinum Humpa og frá framfýsna tung-málm og deyðs-málm tónleikinum. Her verður avskeplaða distortion guitar ljóðið, ið er vanligt innan tungmálms tónleikin, blandað saman við harmoniku tónum.  In Metal  fer at ljóða sum okkurt tú neyvan nakrantíð hevur hoyrt fyrr. 

Leikararnir í km2 duo fara harumframt at kýta seg enn meira við tónleikaligum avbjóðingum, tá tey fara at spæla verk hjá finska tónaskaldinum, Rolf Gustavson, Party Game for 2 Players. Stýrd av einum spælimeistara, sum fer at seta gongd á  ymiskar ljóð hendingar í sambandi við stóru spæli ætlanina, tíðarbil, skipanir, spæli teknikkir og úrslitini fara at bera dám av tilvildarligu valunum hjá  leikarunum. Verkið er serliga drivið av førleika og vilja hjá leikarunum at taka av nýggjum avbjóðingum.

Tema: Røtur/Hitt teg sjálvan ígjøgnum hini/Lokalt - Globalt

Fyri at tú kanst fáa eina smakkiroynd av fjølbroytta og skapandi  pallinum av ljóð og myndlista installatiónum, sum blómar og er nógv frammi í tíðini, fara fleiri installatiónir at vera vístar á øllum festivalinum  ymisk støð í Havn.

Hustle and Bustle
Hugsa tær, at uppliva kviku rørslurnar og ymisku ljóðini  av litríka indiska fólkahavinum, uttan at noyðast at fara úr Havnini.  Hetta kann sýnast ov gott at vera satt, men júst hesir eru karmarnir kring video installatiónina Hustle and bustle (2013) , sum  video listakvinnan Eygló Harðadóttir og ljóð sniðgevin Ríkharður H. Fríðriksson hava skapað.  Aftaná ferðabannið summarið 2020, hevur tað kanska stórri týdning enn nakrantíð, at rannsaka ljóðini og myndirnar úr eini mentan, ið er heilt ørvísi enn tín egna.  Installatiónin tekur 6 minuttir og fer at fáa teg at leingjast eftir meira av litríka huglagnum, ið Haðadóttir og Fríðriksson hava skapað.

A Faroese Tale
A Faroese Tale er ein surrealistisk ljóð-kollaga, har ið ljóðið av føroyska veruleikanum umskapast til tónleikaliga abstraktión.  Verkið er eitt samstarv millum ljóðlistamannin Franc Ross Adams og elektroniska tónleikarin Bjørn Svin

Sounds of Doubt 
Sounds of Doubt (Ivandi ljóð) er úrslitið av verkstovu, har íslendska listakvinnan Thuridur Jónsdóttir hitti fólk úr Grønlandi, Íslandi og Føroyum, fyri at skifta orð um  minnir, hvørjum hesi eru gjørd av, og hvussu vit, við ljóði, kanska kunnu fáa gloymd minni at vakna aftur. Installatiónin hjá Thuridur er loyndarfult og hugvekjandi listaverk, ið fær teg at grunda um fortíðina, nútíðina og framtíðina.

Nordic Grammar
Hugsa tær at tú kemur til eitt manntómt hús og fert at liva lívini hjá teimum, ið einaferð búðu her í tínum nýggja heimi. Hóast tú ongantíð hevur hitt tey,  tekur tú við har tey sleptu og gerst til hesi fólk heldur enn tú sjálv/ur.  Hetta er hugskotið handan listaverkið Nordic Grammar  hjá Olgu Szymula. Tað fer  at renna kalt niður eftir bakinum á tær, tá inniliga røddin hjá Olgu og ljóðini, úr manntóma húsinum, blendast saman við tað tú sært á myndunum. 

503 Cluster Waves 
Hvussu kanst tú skapa tónleik við íblástri og við megini hjá størstu lutunum í alheiminum?  Stjørnuhópar, sum eru greinaðir av røntgen sensorum og fylgisveinum í ringrás kring jørðina, eru íblásturin hjá Marcus Wright til hesa installatión.  Royndarúrslitini frá sensorunum og fylgisveinunum, eru umskapt til ljóð við eini skipan, ið byggir á samanrenning av ljóðbylgju longdum.  Harafturat verða  ljóðini sett saman við eini ljós skipan, og samanrenningin av hesum, fer at geva tær eina fatan av,  hvussu list kann skapast burturúr stórstu lutum, ið til ber at ímynda sær.

When I was 28 I was obsessed with staging deaths 
Hvussu hevði tað sæð út, um eg pallsetti mín egna deyða í ymiskum umhvørvum? Hetta hevur fjølistakvinnan Olga Szymula, spurt seg sjálva fleiri ferðir.  Seinastu tvey árini, hevur Szymula pallsett sín egna deyða í ymiskum umhvørvum, í ymiskum londum. Eitt nú í heimlandi sínum Póllandi, í Bosnia og í Íslandi. Úrslitið av  listaligu pallsetingunum, er henda audiovisuella installatión, har Szymula fer at vísa, hvussu hennara livandi kroppur fleiri ferð er deyður. 

Tema: Røtur

Ljóðið av vatni og ljóðið av sjónum eru høvuðsevnini í hesum samvirkandi og fangandi tónleika ævintýrinum fyri 1-4 ára gomlum børnum. Við føroyskum søgnum, fer syngjandi søguforteljarin, tónaskaldið Svafa Thórhaldsdóttir sjálv, at brúka søguna til at leiða børnini  ígjøgnum samvirkandi og fangandi løtur.  Tey fara at kenna tað, sum  eru tey mitt inní eini frumsagnar søguverð, har hvørt ljóðføri  ímyndar eitt loyndarfult stað, ið børnini kunnu vitja.

Tema: Røtur

Ljóðið av vatni og ljóðið av sjónum eru høvuðsevnini í hesum samvirkandi og fangandi tónleika ævintýrinum fyri 1-4 ára gomlum børnum. Við føroyskum søgnum, fer syngjandi søguforteljarin, tónaskaldið Svafa Thórhaldsdóttir sjálv, at brúka søguna til at leiða børnini  ígjøgnum samvirkandi og fangandi løtur.  Tey fara at kenna tað, sum  eru tey mitt inní eini frumsagnar søguverð, har hvørt ljóðføri  ímyndar eitt loyndarfult stað, ið børnini kunnu vitja.

Tema: At hitta seg sjálvan ígjøgnum hini

Allar siðvenjur hava eina byrjan. Í ár ætla við at byrja eina nýggja siðvenju, tí vit hava gjørt av, at lata vøkru tónarnar úr verkinum hjá Ellen Lindquist, Heilagu Trøini seta sín dám á, at Norðurlendksu Tónleikadagarnir eru í býnum - júst sum verkið gjørdi í 2019, tá Norðurlendsku Tónleikadagarnir vóru hildnir í Bodø í Noregi.  Tá Lindquist skrivaði verkið, fekk hon íblástur frá, hvussu yvirtónarnir í klokkuspælinum draga fram sonnu náttúruna í klokkunum. Um tú ikki fært uppliva vøkru yvirtónarnar úr klokkuspælinum á middegi mikudagin, fært tú møguleikan hósdagin, fríggjadagin og eisini leygardagin.

Á festivalinum, fert tú hvønn dag klokkan 13 at hoyra vøkru yvirtónarnar úr klokkuspælinum ljóma.

Miðnámskúlin Glasir bjóðar tykkum innum at síggja fruktirnar av samstarvinum millum bólkar av næmingum og Norðulendsk listafólk, sum áðrenn festivalin, á ymiskan hátt, hava arbeitt við temaunum til sjálvan festivalin.  Næmingarnir hava fingið frálæru í og hava arbeitt við so ymiskum evnum sum tónleika gongum, Grønlendskum teknikki við barka sangi, at byggja ljóðføri, hvussu myndir og elektroniskur tónleikur kunnu arbeiða saman, savnan av gerandis minnum um hvussu tað er at vera ungur í Føroyum, gera eina koreografi til Glasir bygningin, búnar og mangt annað.

Hendan konsertin er hæddarpunktið á verkstovu, sum danska tónaskaldið Hanne Tofte Jespersen fer at hava við næmingum á Glasir vikuna undan festivalinum. Við lista práti, gongutúrum, verkstovum og venjingum, fara Hanne og næmingarnir at skapa VIBRANDING FO-100, eina staðbundna akkustiska konsert í trimum stigum - sum byrjar í Glasir og endar á Musikk skúlanum.

• ein akkustisk rannsókn av miðhøllini á Glasir
• ein tónleikagonga av Glasir til musikkskúlan
• ein framførsla við trimum “Vibranding” tættum, framført av yrkis sinfonietta bólki og næmingum í Hátúni á musikk skúlanum.

Konsertin fer millum annað at hava yrkingar, sum næmingar hava skrivað, við og áshoyraranir fara  at verða tiknir við á vegnum.

Dámar tær kór tónleik, mást tú ikki lata hesa konsertina, við føroyska kórinum TARIRA, fara framvið. Tey fara at framføra eina skrá har meginparturin eru føroysk verk.

Kantina Magica  eftir Unn Patursson varð upprunaliga eitt bílagt verk til upplatingina av stórfingna nýggja miðnámsskúlanum í Havn, Glasir, í 2018.  Umframt at vera fyri blandað kór, er verkið eisini fyri klaver, kontrabass, slagverk og sopran solosang.

Hr. Sinclair eftir Paula í Sandagerði, kemur úr søguligu frásøgnini um skotska kapteynin George Sinclair og hansara lið av hermonnum, teirra ferð ígjøgnum Noreg og teirra lagnutunga samanbrest við norskar bøndur undir Kalmar krígnum í 1611-1613.  Søgan hevur livað sum norskur fólkasangur við tveimum kendum løgum:  Eitt úr Guldbrandsdalinum í Noregi - og eitt úr Føroyum, sum rútmiskt er rótfest í føroyska dansinum.

Nun lob eftir Kára Bæk, sameinir tvey gomul løg og tekstir: Eitt lag frá 1540 eftir Joh. Kugekmann við teksti eftir J. Gramann og eitt gamalt føroyskt sálmalag við teksti eftir Thomas Kingo frá 1699.

Eitt annað nýggjari verk eftir Kára Bæk er  Ljós tíni, ið varð bílagt í 2018 av TARIRA í sambandi við 100 ára minnis konsert hildin fyri føroyska høvundanum og tónaskaldinum Regin Dahl (f. 5. november 1918) Teksturin í hesum verki er ein av yrkingum hjá Dahl, Ljós tíni, úr yrkingar savninum Rekagrót frá 1985.

Anne Mette Greve Klemensen arbeiðir sum prestur í Havnar kirkju, og hevur í seinastuni kasta seg yvir at skapa tónleik fyri kór. Longsil er eitt verk fyri blandað kór, skrivað í 2019 til eina yrking frá 1949 hjá T.N.Djurhuus, og til hesa konsertina verður tað framført á fyrsta sinni.

At enda fer TARIRA at framføra Come away Death eftir finska tónaskaldið Jaakko Mäntyjärvi, fyrsti av fýra songum frá 1984, við teksti eftir Shakespeare.

Tema: Røtur/ Hitt teg sjálvan ígjøgnum hini

Eitt kvinnnukór, eitt akvarium og ein frumframførsla er okkurt av tilfarinum borðreitt verður við hetta serliga fríggjakvøld í PERLUNI.  Eitt kvøld, ið er býtt sundur í tríggjar smáar konsertir - umframt okkurt óvæntað….

Kvinnukórið KATA fer at framføra siðbundnar føroyskar sangir, hvørs løg  Marianna Clausen hevur savnað og givið út. Marianna savnaði og skrivaði túsundatals frábrigdi av føroyskum fólka og sálma sangi úr gomlum upptøkum, summar av teimum heilt afturi frá 1902. Tær fimm røddirnar í KATA fara at syngja gamlar spennandi og stuttligar søgur fyri okkum.

Eitt akvarium, ymisk tól, livandi ljós og elektronikkur fara at vera á pallinum saman við tveimum leikarum í samvirknu installatiónini Faulyt Waterwork/Ófullkomið Vatnverk eftir Loic Destremau.  Vatnið og ljósið spæla ímóti hvørjum øðrum, men í eini tilgongd, har ljóð og grundevni teirra trýna á pallin - forstyrkt av vatnskorpu og undirvatns mikrofonum, sum út í æsir fanga minsta ljómin.  Í framførsluni kemur elektronikkurin inn yvir, sum eitt fremmant grundevni, tá ljóðførið verður  bygt og handfarið av leikarunum, líka til ljóðførið spælir sum ein sjálvstýrandi eind.

Eitt nýtt verk, skrivað og framført av Onnu Katrin Egilstrøð, fer at hava heimsfrumframførslu hetta kvøld.Rødd, elektronisk ljóð og filmsbrot verða samantvinna í einum verki um tilvit og um at vera vovin saman í eini størri heild.

Við heitinum VITI spælir hon við orðini vit, tilvit og viti. Vitin sum ímyndin av einum vegvísara, ið vísir vegin, tá havið stendur í andarisi, og ódnin leikar á. Havið sum ímyndin av tilviti og dulviti. Vitin sum eygleiðandi veran í meldrinum av árinum og tankum.



Filmsbrotini í VITI eru framleidd í samstarvi við føroysku filmsduoina Rammatik, og listdansurin er gjørdur saman við dansarunum Búa Rouch, Katya R.D. Nielsen, Kristinu Ougaard Sørensen og Rannvá Guðrunnardóttir Niclasen.

Einaferð um kvøldið - ongin veit nær - fer okkurt serstakliga óvæntað at henda….

Tema: Hitt teg sjálvan ígjøgnum hini

Ein serstøk ljóð uppliving bíðar tær í Havnar Kirkju hetta kvøldið. Bjørn Svin hevur sínar røtur í tekno tónleikinum frá níti árunum. Við djúpari persónligari tilgongd, hevur hann granskað og bjóðað rútmiska, elektroniska tónleikinum av í næstan 30 ár og er vorðin ein ímynd á elektroniska tónleikapallinum í Danmark, við fjepparum úr øllum Europa. 

Sum  partur av festivalinum og áðrenn festivalin, hevur Bjørn arbeitt saman við evnaligum ungum fólkum úr Havn, sum hava áhuga í at skapa og framleiða elektroniskan tónleik; men á hesi konsert, seint á kvøldi í Havnar Kirkju, er Bjørn einsamallur, og vit lova tær eina undranarverda og kveikjandi solo framførslu.

Tema: Røtur/Hitt teg sjálvan ígjøgnum hini/Lokalt - Globalt

Fyri at tú kanst fáa eina smakkiroynd av fjølbroytta og skapandi  pallinum av ljóð og myndlista installatiónum, sum blómar og er nógv frammi í tíðini, fara fleiri installatiónir at vera vístar á øllum festivalinum  ymisk støð í Havn.

Hustle and Bustle
Hugsa tær, at uppliva kviku rørslurnar og ymisku ljóðini  av litríka indiska fólkahavinum, uttan at noyðast at fara úr Havnini.  Hetta kann sýnast ov gott at vera satt, men júst hesir eru karmarnir kring video installatiónina Hustle and bustle (2013) , sum  video listakvinnan Eygló Harðadóttir og ljóð sniðgevin Ríkharður H. Fríðriksson hava skapað.  Aftaná ferðabannið summarið 2020, hevur tað kanska stórri týdning enn nakrantíð, at rannsaka ljóðini og myndirnar úr eini mentan, ið er heilt ørvísi enn tín egna.  Installatiónin tekur 6 minuttir og fer at fáa teg at leingjast eftir meira av litríka huglagnum, ið Haðadóttir og Fríðriksson hava skapað.

A Faroese Tale
A Faroese Tale er ein surrealistisk ljóð-kollaga, har ið ljóðið av føroyska veruleikanum umskapast til tónleikaliga abstraktión.  Verkið er eitt samstarv millum ljóðlistamannin Franc Ross Adams og elektroniska tónleikarin Bjørn Svin

Sounds of Doubt 
Sounds of Doubt (Ivandi ljóð) er úrslitið av verkstovu, har íslendska listakvinnan Thuridur Jónsdóttir hitti fólk úr Grønlandi, Íslandi og Føroyum, fyri at skifta orð um  minnir, hvørjum hesi eru gjørd av, og hvussu vit, við ljóði, kanska kunnu fáa gloymd minni at vakna aftur. Installatiónin hjá Thuridur er loyndarfult og hugvekjandi listaverk, ið fær teg at grunda um fortíðina, nútíðina og framtíðina.

Nordic Grammar
Hugsa tær at tú kemur til eitt manntómt hús og fert at liva lívini hjá teimum, ið einaferð búðu her í tínum nýggja heimi. Hóast tú ongantíð hevur hitt tey,  tekur tú við har tey sleptu og gerst til hesi fólk heldur enn tú sjálv/ur.  Hetta er hugskotið handan listaverkið Nordic Grammar  hjá Olgu Szymula. Tað fer  at renna kalt niður eftir bakinum á tær, tá inniliga røddin hjá Olgu og ljóðini, úr manntóma húsinum, blendast saman við tað tú sært á myndunum. 

503 Cluster Waves 
Hvussu kanst tú skapa tónleik við íblástri og við megini hjá størstu lutunum í alheiminum?  Stjørnuhópar, sum eru greinaðir av røntgen sensorum og fylgisveinum í ringrás kring jørðina, eru íblásturin hjá Marcus Wright til hesa installatión.  Royndarúrslitini frá sensorunum og fylgisveinunum, eru umskapt til ljóð við eini skipan, ið byggir á samanrenning av ljóðbylgju longdum.  Harafturat verða  ljóðini sett saman við eini ljós skipan, og samanrenningin av hesum, fer at geva tær eina fatan av,  hvussu list kann skapast burturúr stórstu lutum, ið til ber at ímynda sær.

When I was 28 I was obsessed with staging deaths 
Hvussu hevði tað sæð út, um eg pallsetti mín egna deyða í ymiskum umhvørvum? Hetta hevur fjølistakvinnan Olga Szymula, spurt seg sjálva fleiri ferðir.  Seinastu tvey árini, hevur Szymula pallsett sín egna deyða í ymiskum umhvørvum, í ymiskum londum. Eitt nú í heimlandi sínum Póllandi, í Bosnia og í Íslandi. Úrslitið av  listaligu pallsetingunum, er henda audiovisuella installatión, har Szymula fer at vísa, hvussu hennara livandi kroppur fleiri ferð er deyður. 

Tema: Meet yourself through the other

Fá tær frí eina løtu frá leygardags keypstúrinum og dett inn á gólvið í Havnar Kirkju til eina hugsanarsama Matiné konsert við temanum "At hitta seg sjálvan ígjøgnum hini".

Verkið Snow eftir danska tónaskaldið Signe Lykke, er fyrsti satsur úr verkinum I REMEMBER - 4 vatnskitsur fyri træblásara trio. Snow snýr seg um allar fyrstu barnaminni hennara úr heimbýnum, um at vera tvíburi og flyta seg sum samanrunnin kroppur við somu tilvitsku. Djúpt rótfest í kava.

Svenska tónaskaldið Jenny Hettne hevur skrivað eitt verk, While she was dreaming, fyri solo violin og upptøkur, sum hava sín uppruna í svenskum fólkatónleiki, blandaður saman við nútímans elektroniskari tøkni. Verkið varð serliga skrivað myrku vetrardagarnar og næturnar, tá dóttir hennara, Ejla, svav, og verkið er ognað henni.

Røddir og violin ganga lið um lið, saman, í tónleikinum Soai vácciiga buohtalaga (Tey gingu við um lið) eftir  Outi Tarkiainen við teksti úr eini yrking hjá samiska høvundanum Rauni Magga Lukkari. Yrkingin sigur hugtakandi frá mangan yvitnátúrliga samlagnum, sum er ímillum møðgur og døtur. Í gloppinum, ið uppstendur millum røddina og violinina, kannst tú kenna tigandi vitanina, hugarenslið og viðbreknu innaru røddirnar á ættmøðrum okkara….

By the Road - Karambolage + Interplay of Bones

Heima konsertir eru konsertir, ið verða hildnar heima hjá fólki ymsa staðni í Havn. Eitt atgongumerki er galdandi fyri tvær konsertir í tveimum ymiskum húsum í gangifrástøðu.

Garasjan hjá Føroya Symfoniorkestri er fullkomni karmurin um verkið  By the Road – Karambolage – ein happening/sýning/konsert, har Bjørn Erik Haugen fer at spæla ljóðini frá bil scenum úr kendum filmum, umskrivaðar til deyðsmálm og framført á robot trummur. Ver til reiðar til eina bergtakandi uppliving.

Heilt ørvísi er verkið  Interplay of Bones, ið verður framført heima hjá Boga og Jóhonnu og er eitt stillført verk.  Leikararnir báðir sita rygg ímóti ryggi, hyggja hvør sín veg og samskifta einans við ljóði. Endamálið er at skapa eitt “huga-rúm”, at hevja seg uppum óljóðini úr gerandisdegnum og tryggleikan við ásettum nótablaði, og einans at savna seg um tað ið hoyrist –ein innilig løta og kensla av viðbrekni.

NMD 2021 Heima konsertirnar hava fingið íblástur frá afturvendandi festivalinum HOYMA – ein festivalur settur saman av konsertum heima hjá fólki í Syðrugøtu

Fé + Da verden var mindre

Heima konsertir eru konsertir, ið verða hildnar heima hjá fólki ymsa staðni í Havn. Eitt atgongumerki er galdandi fyri tvær konsertir í tveimum ymiskum húsum í gangifrástøðu.

Fé er eitt 12 minuttir langt verk fyri tvey Sóleyjarspøl (eitt slag av nútíðar langspæli), slagverk og  elektroniskan tónleik eftir Magnús Jensson, framført heima hjá Palla og Marjun. Heitið Fé er ein rúnar stavur ið merkir “neyt” ella “fæ” og kemur fyri í navninum Føroyar – fæ ella Fé oyggjarnar.

Eitt nýtt verk, Da verden var mindre (Tá heimurin var minni) sum Birgit Djupedal hevur skrivað til Norðurlendsku Tónleikadagarnar 2021, fer at hava heimspremieru í stovuni hjá Luitjen og Fríðhildur. Verkið snýr seg um at finna sítt pláss í siðaarvinum og at skapa sínar egnu røtur.  Birgit Djupedal fer at framføra sítt egna verk saman við limum úr Cauda Collective, Sigrún Harðardóttir og Þórdís Gerður Jónsdóttir.

NTD 2021 Heima konsertirnar hava fingið íblástur frá afturvendandi festivalinum HOYMA – ein festivalur settur saman av konsertum heima hjá fólki í Syðrugøtu

Vit Turka Hendur á Steini + With Ice and Human Instruments

Heima konsertir eru konsertir, ið verða hildnar heima hjá fólki ymsa staðni í Havn. Eitt atgongumerki er galdandi fyri tvær konsertir í tveimum ymiskum húsum í gangifrástøðu.

Odd og Frida fara at hýsa eini heimspremieru av verkinum Vit Turka Hendur á Steini við tónleiki eftir Tuan Hao og sang tekstum eftir Dennis Agerblad, sum í sínum tekstum nýtir geologiskar og nátúrligar ímyndir fyri at fjala yvir sam-kynda girnd. Verkið verðru framført tvær ferðir, við stuttum orðskifti ímillum sýningarnar, har tað verður hugleitt um verkið, tekstin og samband tess við Føroyska nútíðar samfelagið.

Síðani, ger teg til reiðar til eitt verk, ið verður spælt av einum tónleikara  uppá tvey menniskja ljóðføri. Vertinnan Katrin bjóðar heim. Legg afturat hesum, eina skál av ísterningum og tú fert at uppliva eitt serstakt verk eftir Alexandra Hallén, sum ikki hevur verið vant undan framførsluni, fyri at fáa mest nátúrligu reaktióninar frá menniskja ljóðførunum.

NTD 2021 Heima konsertirnar hava fingið íblástur frá afturvendandi festivalinum HOYMA – ein festivalur settur saman av konsertum heima hjá fólki í Syðrugøtu

Additive Space + Symphonies of Toy Instruments

Heima konsertir eru konsertir, ið verða hildnar heima hjá fólki ymsa staðni í Havn. Eitt atgongumerki er galdandi fyri tvær konsertir í tveimum ymiskum húsum í gangifrástøðu.

Additive space er ein quadrofonisk ljóð installatión. Verkið hevur fingið íblastur frá byggisniðum hjá danska arkitektinum Jørn Utzon og serliga húsinum Can Lis, sum hann bygdi til familjuna hjá sær í 1971. Úr húsinum hjá Utzon er eitt 180 ° útsýni yvir havið, júst sum vakra útsýni út á hav heima hjá Høgna og Hildur, ið eru vertir á hesi konsertini.

Theodor og Jeanette bjóða okkum inn til eitt heilt annað verk, ið umfatar onki minni enn eina røð av smáum symfonium fyri leiku ljóðføri! “Tað, ið hugtekur meg við leiku ljóðførum, sjálvandi umframt serstaka ljóðmyndin, er tann sannroynd, at tey eru ikki tengd at “byrðuni” av klassisku/romantisku siðvenjuni, ið flestu vanligu ljóðføri bera við sær”, sigur Svenska tónaskaldið Fabian Svensson, ið hevur skrivað verkið fyri ikki minni enn 12 leikarar, sum øll splæa á leiku ljóðføri.

Performers:
Leikari 1, Elvin Ingeborgrud: Leiku Klokkuspæl 1, Leiku Guiro, Vuvuzela
Leikari 2: Ernst Remmel Leiku Klokkuspæl 2, Football Rattle, Djóra Castanettir
Leikari 3, James Goodwin: Leiku Xylophone, Súkklu Horn
Leikari 4, Oddur Joensen: Ukulele 1, Dragi floyta, Leiku Kuk kuk
Leikari 5, Ólavur Gaard: Ukulele 2, Ringi klokkur, Vuvuzela 2
Leikari 6, Dulguun Chinchuluun: Leiku klaver, Tok floyta
Leikari 7, Kristina Thede Johansen: Melodica 1, Party Horn 1
Leikari 8: Maria Knudsen Melodica 2, Party Horn 2, Leiku Tamborin
Leikari 9, Aksel Remmel: Stylophone 1, Leiku Bongo trummur
Leikari 10, Sigrid F. Hansen: Stylophone 2, Blikk trumma, Vuvuzela 3 
Dirigentur: Bernhardur Wilkinsson

Ask Kæreby arbeiðir og granskar tvørlistarliga við ekperimenterandi elektroniskum tónasmíði sum háttalag fyri at gera eina ljóðlistarliga frásøgn - við íblástri út tilgongdum sum soundscape, data sonification og musique concrète. Við støði í markamótinum av etableraðum formatum ynskir hann at avbjóða teir lurtihættir, sum vit vanliga hava í samband við tónleik, umhvørvi og ljóðlist.

Kæreby er ígongd við eina longri listarliga gransking, sum umfatar soundscape-kompositión og tekur lokalar íbúgvar við sum høvuðsluttakarar. Hann ynskir at hugbinda og aktivera lokala almenningin við at víðka um politisku dimensjónina í soundscape-kompositiónini soleiðis at hon eisini umfatar socio-politiska økið.

Til Nordic Music Days 2021 bjóðar Ask Kæreby verkið Surroundings fram, og tað tekur støði í realljóðupptøkum úr Hoyvík, sum eru gjørdar í samstarvi við tveir 4. flokkar úr Hoyvíkar skúla.

Eitt úrval av upptøkunum verða brúktar til eitt sokallað Soundwalk í økinum 1.-4. september, sum øll kunnu taka lut í um tey hava eina snildfon.

Lys 4 + ☉

Heima konsertir eru konsertir, ið verða hildnar heima hjá fólki ymsa staðni í Havn. Eitt atgongumerki er galdandi fyri tvær konsertir í tveimum ymiskum húsum í gangifrástøðu.

Til hesar báðar konsertirnar í Hoyvík, kanst tú uppliva tvey verk, sum, á tveir sera ymiskr hættir, rannsaka ljósið.

Thora og Andras bjóða okkum inn til eina konsert við verkinum Lys 4 eftir Mads Emil Dreyer. Lys 4 er eitt verk til ein leikara, ið handfer 12 ljósperur og eitt sinus bylgju ljómborð. Framúr dugnaligi slagverks leikarin Tomek Szczepaniak fer at stýra ljóði og ljósi.

Livandi ljós eru í miðdeplinum á tónleika verkinum ⊙, har Mass og Suffía eru vertir. Verkið er ein rannsakan av ljósi og myrkri í trimum tættum eftir íslendska tónaskaldið Halldór Smárason, fyri solo sello.  Halldór tulkar hugtakið livandi ljós bæði beinleiðis og myndaliga, og verkið rannsakar meiningina og hugasambandið við nærleikan, hitan og villu og samstundis tamdu orkuna av livandi ljósinum og ávirkanina hetta hevur á myrkrið uttanum seg.  Sæunn Thorsteinsdóttir fer at framføra sello verkið, umgyrd av livandi ljósum – sjálvandi.

NTD 2021 Heima konsertirnar hava fingið íblástur frá afturvendandi festivalinum HOYMA – ein festivalur settur saman av konsertum heima hjá fólki í Syðrugøtu

Tema: At hitta seg sjálvan ígjøgnum hini

Allar siðvenjur hava eina byrjan. Í ár ætla við at byrja eina nýggja siðvenju, tí vit hava gjørt av, at lata vøkru tónarnar úr verkinum hjá Ellen Lindquist, Heilagu Trøini seta sín dám á, at Norðurlendksu Tónleikadagarnir eru í býnum - júst sum verkið gjørdi í 2019, tá Norðurlendsku Tónleikadagarnir vóru hildnir í Bodø í Noregi.  Tá Lindquist skrivaði verkið, fekk hon íblástur frá, hvussu yvirtónarnir í klokkuspælinum draga fram sonnu náttúruna í klokkunum. Um tú ikki fært uppliva vøkru yvirtónarnar úr klokkuspælinum á middegi mikudagin, fært tú møguleikan hósdagin, fríggjadagin og eisini leygardagin.

Á festivalinum, fert tú hvønn dag klokkan 13 at hoyra vøkru yvirtónarnar úr klokkuspælinum ljóma.

Ölandsk Suite + New Music from New Iceland

Heima konsertir eru konsertir, ið verða hildnar heima hjá fólki ymsa staðni í Havn. Eitt atgongumerki er galdandi fyri tvær konsertir í tveimum ymiskum húsum í gangifrástøðu.

Av svensku oynni Øland til Nólsoyar kemur verkið Ölandsk Suite – fýra tættir, komponeraðir fyri óvanligu ljóðførini kálkstein og sandstein. Steinarnir eru allir savnaðir á sjálvari oynni, barndóms strendurnar hjá tónaskaldinum, Alexandra Nilsson, ið fer at framføra verkið heima hjá Nicolai og Aðalbjørg.

Tónleikararnir Catherine Woods og Victoria Sparks eru komnar allan vegin úr Canada heim til Ann-Mari og Jákup at framføra verk eftir íslendsku-kanadisku tónaskøldunum Fjola Evans og Kenley Kristofferson.  Verkið hjá Evans, Tvö Singur, snýr seg um ferðina hjá íslendingum til Canada, stríðið og umskiftið tey fóru ígjøgnum og hvussu nýggja heim teirra í Canada tykist merkiliga kent, sjálvt fyri íslendingar sum í dag vitja Gimli, Manitoba. Kristofferson (føddur og uppvaksin í Gimli, Manitoba, Cananda) gevur okkum eitt verk um kensluna av einum nýggjum faðiri sum livir í løtunum millum svøns og vøku. At enda, eitt verk við mótsetningum, eisini eftir Kenley, sum myndar eina røð av  mytiskum skapningum. Knøppu og orkumiklu rørslurnar ímynda margháttligu og fløkjasligu persónleikarnir, ið Norðurlendsku áhoyrararnar beinanvegin fara at kenna aftur sum eginleikarnar hjá álvunum.

NMD 2021 Heima konsertirnar hava fingið íblástur frá afturvendandi festivalinum HOYMA – ein festivalur settur saman av konsertum heima hjá fólki í Syðrugøtu

Ask Kæreby arbeiðir og granskar tvørlistarliga við ekperimenterandi elektroniskum tónasmíði sum háttalag fyri at gera eina ljóðlistarliga frásøgn - við íblástri út tilgongdum sum soundscape, data sonification og musique concrète. Við støði í markamótinum av etableraðum formatum ynskir hann at avbjóða teir lurtihættir, sum vit vanliga hava í samband við tónleik, umhvørvi og ljóðlist.

Kæreby er ígongd við eina longri listarliga gransking, sum umfatar soundscape-kompositión og tekur lokalar íbúgvar við sum høvuðsluttakarar. Hann ynskir at hugbinda og aktivera lokala almenningin við at víðka um politisku dimensjónina í soundscape-kompositiónini soleiðis at hon eisini umfatar socio-politiska økið.

Til Nordic Music Days 2021 bjóðar Ask Kæreby verkið Surroundings fram, og tað tekur støði í realljóðupptøkum úr Hoyvík, sum eru gjørdar í samstarvi við tveir 4. flokkar úr Hoyvíkar skúla.

Eitt úrval av upptøkunum verða brúktar til eitt sokallað Soundwalk í økinum 1.-4. september, sum øll kunnu taka lut í um tey hava eina snildfon.

Føroyska kamar orkestrið Aldubáran bjóðar tykkum eina seinnaparts konsert við breiðum úrvali av norðurlendskum tónaverkum á skránni.

Lítla tónaverkið “Sjúrður” hjá danska tónaskaldinum Hans-Hendrik Nordstrøm fyri sopran og saksofon, hevur fingið íblastur úr gomlu søgnini um Sjúrð - hetjuni, ið vit hoyra um í fleiri sagnum og kvæðum. Í verki sínum hevur Hans-Hendrik brúkt smærri brot úr kvæðnum Regin Smiður, við íblástri frá eini hugtakandi upptøku av øllum 130 ørindunum í kvæðnum, við kvøðarum av Sandi í Føroyum.

Eitt annað gamalt kvæði - Leikum fagurt á foldum, ongin treður dansin undir moldum - hevur givið føroyska tónaskaldinum Kára Bæk íblástur til at skriva kvartettina fyri obo, violin, viola og sello; hinvegin hevur Kaija Saariaho fingið íblástur til klaver trioina Light and Matter úr heilt øðrum nútíðar heimshorni - New York.  Tað var har, ið Kaija skrivaði verkið, meðan hon úr vindeyga sínum eygleiddi skiftandi ljósið og litirnar í Morningside Park.

Úr  verkinum hjá norska tónaskaldinum Cecilie Ore, Tempura Mutantor, fara vit at hoyra  Non Nunquam fyri streingja trio, og at enda fara vit at hoyra verkið, sum hevur givið heitið til hesa konsertina, The Distance between us, eftir føroyska tónaskaldið Trónd Bogason. 

The distance between us” er bygt á 3 løg úr nótabókini hjá J.C. Svabo (1746-1824), sum í 1928 varð funnin á loftinum í Pætursastova í gomlu Havnini. Verkið hevur ikki eitt felags partitur. Ístaðin hava tónleikararnir hvør sína individuellu stemmu, sum tey framføra í hvør sínum tempo, óheft av hvør øðrum.

Eitt nýtt verk, Together, saman við Kingo sangarunum, eftir finska tónaskaldið Mari Sainio, hevur heims premieru seinasta kvøldið á festivalinum.

Heitið Kingo sangur hevur sín uppruna frá danska sálmaskaldinum Thomas Kingo, ið hevur skrivað tekstirnar til sálmarnar, ið sungnir verða á heilt serstakan hátt.

Í nýggja verkinum fer fortíðin at møta nútíðini, tá Kingo sangur blendast saman við akkustiskum ljóførum og elektroniskum tónleiki.

Tema: Røtur

Hugsjónin handan Norðurlendsku Tónleikadagarnar 2021 er at skapa serstakar sýningar og framførslur við sterkum sambandi við føroyska mentan,  røtur og søgu.

Í hesi framførslu, Takeover eftir Anna Kolfinna Kura, eru tað føroyskar kvinnur úr  ymiskum ættarliðum, ið framføra og sum fara at tosa í ymiskum tíðarhvarvum. Verkið viðger hvussu tíðir skifta, hvussu leiklutur kvinnunar í samfelagnum broytist, hvussu vitan verður borin víðari til næsta ættarlið og sambandið millum hesar ymisku kvinnur.
Úrslitið av verkinum er ein máttmikil men eisini viðbrekin halgiløta við ráum, vøkrum og óbrýndum ræddar landslagi.

Gomul siðvenja sameinist við samtíðina, tá Norðurlendsku Tónleikadagarnir enda við einum risa felags tiltaki við Kingo sangi, fótbólti(!) samtíðar tónleiki og føroyskum dansi í Norðurlandahúsinum.

Tað er soleiðis vorðið, at júst hetta kvøldið fara Danmark og Føroyar at dystast á Tórsvølli um at kvalifisera seg til at luttaka í heimsmeistarakappingini í fótbólti. Hetta má sjálvandi ikki fara framvið! Tí hava vit syrgt fyri, at stórskermur verður settur upp í Norðurlandahúsinum, og vit fara at vísa allan dystin innímillum hini tiltøkini hetta kvøldið.

Resterne af Rigsfællesskabet er Norðurlendskur tónaskalda/útinnandi listabólkur, har limirnir umboða ein listarligan úrdrátt av Danska Ríkisfelagskapinum: Danmark, Ísland, Grønland og Føroyar. Listabólkurin er kendur fyri at sameina royndir við elektroniskum ljóðum og Grønlendska trummudansin, og í steðginum millum báðar fótbólts hálvleikirnar og aftaná dystin, hava tey fyrireika eina serstaka sýning fyri okkum.

Seinast, ment als ikki minst, fara vit at bjóða øllum at luttaka í einum av mest sermerktu Føroysku mentunnar eyðkennum - føroyskum dansi.

Kom upp á gólv og ver við í ringinum, tá  fólk úr øllum samfelagsstættum taka hendur saman og hittast andlit til andlits í felags stevi.

Neyvan finst betur máti at enda festivalin!